सुभाषचन्द्र देवकाेटादेश खाने धमिरा
झोलेहरु, जसको सिता खायो, उसैको गीता गाउँछन् ! जनताको भाग्य लुटेर, आफ्नो भाग्य चम्काउछन् ! आखिर, झोलेहरु र धमिराहरु भन्नु उस्तै उस्तै हुन्, धमिराहरुले काठ खान्छन् झोलेहरुले देश खान्छन् ! जय झोलेवाद !!
सुभाषचन्द्र देवकाेटा
झोलेहरु,
विवेक र इमानका कुरा गर्दैनन् !
सत्य र असत्य पर्खदैनन् !
निजत्व गुमाएका झोलेहरु
अर्काको गोडामा उभिन्छन्, हिड्छन् !
अर्काको बुद्धिमा चल्छन् !
झोलेहरु इमानको होइन,
लुटको खान्छन् !
मालिकको आदेशमा
आफ्नैको गला रेट्छन् !
अर्काको गोडामा
उभिने यस्ता झोलेहरुको
कुनै गन्तव्य हुँदैन !
अर्काको इसारामा चल्ने
यस्ता झोलेहरुको,
कुनै भरोसा र निष्ठा हुदैन !
झोलेहरु,
मात्र मालिकको आदेश बुझ्छन् !
मात्र मालिकको इसारामा चल्छन् !
झोलेहरु,
जसको सिता खायो,
उसैको गीता गाउँछन् !
जनताको भाग्य लुटेर,
आफ्नो भाग्य चम्काउछन् !
आखिर,
झोलेहरु र धमिराहरु भन्नु उस्तै उस्तै हुन्,
धमिराहरुले काठ खान्छन्
झोलेहरुले देश खान्छन् !
जय झोलेवाद !!
०००
गाेरखा
Subscribe
Login
0 Comments
Oldest
