विनाेद नेपालफुट
१० रुपियाँ उसको हातमा थमाएपछि पत्रिका खोलेर पढ्न थाल्यो, जहाँ एउटा समाचारको शीर्षक थियो ‘नेताजीहरू बीच बन्द भएको बोली फुट्यो’ ।
विनोद नेपाल :
‘फुट्यो ! फुट्यो !’
ऊ सधैँझैं काखभरी पत्रिका राखेर एकाबिहानै सडकमा चर्को आवाजमा कराउँदै हिँडिरहेको थियो ।
केही समय यता निरन्तर फुटकै चर्चा सुनिरहेकोमा चर्को आवाजले उसको ध्यान ऊ तर्फ केन्द्रित भयो ।
‘हैन के फुठ्यो, कहाँ फुठ्यो, कहिले फुट्यो हँ ?’- उसले झ्यालबाटै चिच्यायो ।
‘यहाँ आउनुस् न तल, अनि थाहा पाउनुहुन्छ, टाढैबाट भन्यो भने त सक्किगो नि, यसरी हिंडेको के काम ।’
झनै खुल्दुली भयो । ओर्लेर ऊ नजिक पुग्यो ।
उसले एउटा पत्रिका ऊ तर्फ सोझ्याउँदै भन्यो ‘लौ पढ्नुस्’ ।
१० रुपियाँ उसको हातमा थमाएपछि पत्रिका खोलेर पढ्न थाल्यो, जहाँ एउटा समाचारको शीर्षक थियो ‘नेताजीहरू बीच बन्द भएको बोली फुट्यो’ ।
०००
काठमाडौं
Subscribe
Login
0 Comments
Oldest
