नेपाली हास्यव्यङ्ग्य अनलाइन पत्रिका

दिप मंग्राती :

जय शम्भू !
जय हरि कृष्ण !
प्रभु मेरो राष्ट्रियता बचाई दिनुहोस् !
मेरो नेपाल र मेरो नेपालीपन बचाई दिनुहोस् !
सयौँ वर्षदेखि आफू बेचिएर भए पनि, नेपाललाई पालेको थिएँ, म अझै बेचिन तयार छु !

नेपाली भूमिमा जन्मिए, नेपाली भएर बाँच्न चाहन्छु, नेपालीनै भएर मर्न चाहन्छु, प्रभु मेरो नेपाललाई बचाई दिनुहोस्, मेरो धर्म संस्कृतिलाई बचाई दिनुहोस्, नेपाल बचे, नेपालीपन बच्नेछ, धर्म संस्कृति बच्ने छ अनि धर्म संस्कृति बचे तिम्रो पनि त अस्तित्व बच्ने छ । प्रभु नत्र तिमीलाई पनि भगवानबाट पत्थर बनाइ दिनेछन, केवल मूर्तिमा सिमित राख्ने छन्, प्रभु मेरो राष्ट्रियता बचाई दिनुहोस्, मेरो स्व्तन्त्रता बचाई दिनुहोस्, मलाई आफ्नै मातृभूमिमा शरणार्थी हुनबाट बचाई दिनुहोस् !

ऊ अति विनित भावमा आफ्नो इश्वरलाई विन्ती गर्दै थियो !
यो ढुङ्गाको अघि रोएर तिम्रो स्वतन्त्रता बच्छ ? न बोल्छ, न त सुन्छ यसले ?

जाऊ सिंहदरबार र शितल निवासमा गएर कराउ ! उसको विलाप सुनेर एउटाले सुझाव दियो ।
त्यहाँ पनि ढुङ्गाकै छन् यहाँ पनि ढुङ्गाकै छन्, त्यहाँ मूर्ति मात्रै छन, यहाँ मूर्तिमा भगवान छन, त्यसैले यहाँ रोएको हो !!

०००
बेलायत