नेपाली हास्यव्यङ्ग्य अनलाइन पत्रिका

विनोद नेपाल :

धेरै पछि उनको फोन आयो । उनी छक्क परे । तर खुसीसाथ फोन उठाएर अभिवादनसँगै बधाई दिए । उनले पनि बधाई पाए भन्ने उनको हाउभाउ र ‘धन्यवाद’ को जवाफले बुझियो ।

उताको कुरा नसुनिए पनि उनको मन्द मुस्कानले कुराकानी सौहार्द्र नै छ भन्ने देखाउँथ्यो ।
उताबाट भनिएका कुरामा सहमति र समर्थन जनाउनु बाहेक उनले केही भनेनन् । उनले हस्, भइहाल्छ नि, अवश्य, जस्ता छोटा तर सकारात्मक जवाफ दिए ।

उनीहरूबिचको संवाद सकिएपछि सामुन्ने बसिरहेको पत्रकार जो अघिदेखि उनीसँग सम्पन्न निर्वाचन र त्यसको परिणामप्रति उनको धारणा बुझ्ने प्रयत्न गरिरहेको थियो, कोहीले केही सोध्न खोज्दै थियो उनले प्रफुल्ल मुद्रामा भने कुन्नि केजाति पुछेको टालो पनि काम लाग्छ भनेको यही हो, बुझ्नुभो ? ‘यो यस्तो क्षेत्र हो जहाँ को कतिखेर काम लाग्छ थाहै हुँदैन, त्यसैले फूर्तिफार्ती बेकार छ ।’

०००
पाल्पा, हाल काठमाडौं