भोजराज रेग्मी ‘मुखाले’सत्ता
पोथी भाले हुन्छन् शत्रु पाले बस्छन् । कृष्ण कंस हुन्छ युधिष्ठिर दुर्योधन बन्छ । सत्तामा पुगेपछि- कवि पनि कसाई बन्छ कसाई पनि कवि हुन्छ गान्धी गोड्से हुन्छ पण्डित पादरी बन्छ सयपत्री बाबरी हुन्छ ।
भोजराज रेग्मी ‘मुखाले’ :
मेरो देशमा 
सत्ता भन्ने यस्तो ठाउँ छ
जहाँ पुगेपछि
वयोवृद्धको पनि ब्याट्री चार्ज हुन्छ
लिलिपुट पनि इन्लार्ज हुन्छ ।
लाटाहरू भाषण गर्न थाल्छन्
बाठाहरू गोजेरो भर्न थाल्छन् ।
सञ्जयहरू नै धृतराष्ट्र भइदिन्छन्
सावित्रीहरू पिङ्गला बनिदिन्छन् ।
पोथी भाले हुन्छन् शत्रु पाले बस्छन् ।
कृष्ण कंस हुन्छ युधिष्ठिर दुर्योधन बन्छ ।
सत्तामा पुगेपछि- कवि पनि कसाई बन्छ
कसाई पनि कवि हुन्छ
गान्धी गोड्से हुन्छ
पण्डित पादरी बन्छ
सयपत्री बाबरी हुन्छ ।
मेरो देशमा
सत्ता भन्ने यस्तो ठाउँ छ
जहाँ पुगेपछि
वयोवृद्धहरूको पनि ब्याट्रीचार्ज हुन्छ
लिलिपुट पनि इन्लार्ज हुन्छ ।
०००
चित्त दुखेको ओखती (२०७१)
Subscribe
Login
0 Comments
Oldest
