नेपाली हास्यव्यङ्ग्य अनलाइन पत्रिका

श्रीप्रसाद पोखरेल :

“ए श्रीधर ! तिमी किन मेरो खेदो गर्छौ हँ ?” नेताले गुनासो गरे ।
“किन ? चित्त दुख्यो ? हामी साहित्यकार कोही व्यक्तिको नभई प्रवृत्तिको विरोध गर्दछौँ” श्रीधरले दृढोक्ति पेश गरे ।
“तिमीलाई लेख्न रारा ताल छ । माछापुच्छ्रे हिमाल छ । पशुपतिनाथ, लुम्बिनी छ । किन भ्रष्टाचार, हत्या, बलात्कारलाई मात्र विषय बनाउछौ ?” नेताले उनलाई लेख्ने विषयहरूको सूची नै भनिदिए ।

“नेता ! तिमीहरूको मन मष्तिष्कमा पनि प्रकृति, धर्म र सुन्दरता हुन्छ ?” कठोर नेतालाई उनले फेरी प्रहार गरे ।
“हेर ! तिमीलाई कुनै प्रतिष्ठान वा तिमीले भनेका ठाउँमा नियुक्ति मिलाउँला तर यसरी लेख्न चैँ भएन नि ।”

“तिमीहरूको मनमस्तिष्कमा अपराध, लोभलालच र षड्यन्त्र मात्र हुन्छ तर साहित्यकारहरूको मनमस्तिष्कमा न्याय, समानता र देशप्रेम हुन्छ । त्यसैले तिम्रो नियुक्ति चाहिएन ।”

श्रीधर त्यसो नभन । बरू आउ सम्झौता गरौँ ।
“सम्झौतै सम्झौता तिमी बलात्कार, भ्रष्टाचार गर्न छोड म रारा ताल र माछापुच्छ्रेको विषयमा मात्र लेख्नेछु ।”

०००
इटहरी, सुनसरी