नेपाली हास्यव्यङ्ग्य अनलाइन पत्रिका

बासुदेव तिमल्सिना :

“मलाई त्यहाँ पर सानो कामले जानु छ । पहिला मेरो कपाल काटिदेउ अनि बच्चाको काटिदिनु ।” एउटा दश बाह्र बर्षको बच्चा लिएर आएको मानिसले सैलुनमा हजामलाई भन्यो ।
हजामले उसको कपाल पहिला काट्यो अनि त्यही कुर्सीमा राखेर बच्चाको कपाल काट्न थाल्यो । हजाम अंकललाई नपिरोल्नु है । चुपचाप बसेर कपाल काट्न दिनु । म एकछिन मै आउँछु भनेर त्यो मानिस हिँड्यो ।

बच्चाको कपाल काटिसकेर हजामले बच्चालाई अर्को कुर्सीमा राख्यो र भन्यो, “ल, एकछिन यहाँ बस तिम्रो बाबा आउँदै होलान् ।”
बच्चाले भन्यो, “त्यो मानिस कहाँ मेरो बाबा हुनु ! होइन नि ।”
हजामले सोध्यो, “को हो त त्यो ?”

“मलाई के थाहा त ? म त बाटामा खेलिराको थिएँ । उसले मलाई फ्रिमा कपाल कटाउने भन्यो ? मैले कटाउने भने । अनि उसले मलाई यहाँ लिएर आयो ।”

०००
लालबन्दी, सर्लाही
०८१।०२।०२