श्रीप्रसाद पाेखरेलहतकडी
भ्यान गुडेकै थिएन मधुले भने, “मन्त्री, सभासद हुँदा त हतकडी पनि सुनको हुँदोरहेछ ।” छेउमै उभिएका श्रीधरले भने “सुनको होस् वा फलामको हतकडी त अपराधीलाई न लगाइन्छ ?”
श्रीप्रसाद पोखरेल :
“… अँ एउटा चोरलाई पक्रिएको छ । तुरून्त भ्यान सहित प्रहरी पठाइदिनु त ।”
उसले फोन गरेर प्रहरीलाई बोलायो । भु पु प्रधानमन्त्रीको आदेश प्रहरीले निमेष भरमै पालना गरे ।
मानिसको आउजाऊ भइरहने ठूलाबडाको घरमा चोर्न सजिलो हुने सोचेर धाराको टुटी चोर्न पसेको बुङ्गे रङ्गेहात पक्राउ पर्यो ।
प्रहरी साइरन बजाउँदै आइपुग्यो । बुङ्गेलाई प्रहरीले बिना पुर्जी हतकडी लगाएर भ्यानमा हाल्यो । यो सबै दृश्य ऊ बार्दलीबाट हेरिरहेको थियो ।
ऐन मौकामा अर्को प्रहरीको टोली आइपुग्यो । उसलाई तल झर्न प्रहरीले अनुरोध गरे । ऊ आँगनमा के आइपुगेको थियो, प्रहरीले हतकडी लगायो ।
उसले सोध्यो “यो के गरेको ?”
प्रहरीले भन्यो “हजुर हामी अख्तियारबाट ।”
आँगनमा भिड लागिसकेको थियो । भ्यान गुडेकै थिएन मधुले भने, “मन्त्री, सभासद हुँदा त हतकडी पनि सुनको हुँदोरहेछ ।”
छेउमै उभिएका श्रीधरले भने “सुनको होस् वा फलामको हतकडी त अपराधीलाई न लगाइन्छ ?”
०००
इटहरी, सुनसरी
Subscribe
Login
0 Comments
Oldest
