नेपाली हास्यव्यङ्ग्य अनलाइन पत्रिका

माणिकरत्न शाक्य :

मैले काम गर्ने बैंकका निवृत्त प्रमुख, हाल सरकारका उच्च पदस्थ पदमा कार्यरत सरलाई मैले फोन गरें । फोनमा भनेँ- किताब बिक्री गरेर आएको पैसाले मिर्गौलाका बिरामीलाई सहयोग गरेर समाजसेवा गर्दैछु, सरको कार्यालय र व्यक्तिगत तवरबाट केही सहयोग हुन्थ्यो कि !

उहाँले भन्नुभयो- माणिकजी ! तपाईंले गज्जबको राम्रो काम गर्नुभएको रहेछ । मैले काम गर्ने कार्यालयका स्टाफका आफन्तको पनि मिर्गौला बिग्रेको रैछ । मलाई सहयोग जुटाइदिनुफ्यो भन्दै थिए । तपाईंले फोन गर्दा त ढु‌ङ्गा खोज्दा द्यौता मिलेजस्तो पो भो मलाई त । जसरी भए पनि तपाईंको तर्फबाट त्यति सहयोग मलाई पार्नुपर्यो ।

मैले उनलाई किताब किनिमाग्न फोन गरेको उल्टै उनैलाई सहयोग गर्नुपर्ने कुराले म त ट्वाँ परें । निकै दिनसम्म उहाँले सहयोग मागेको मागेकै गर्नुभयो, पछि त मैले उहाँको फोन उठाउनै छाडिदिएँ ।

भनौं भने के भनौं उहाँ मेरा काभ्रेका जिल्लावासी र साहित्यकार पनि हुनुहुन्छ ।

०००
२०७३/०१/१९

काठमाडौं