नेपाली हास्यव्यङ्ग्य अनलाइन पत्रिका

सुरेशकुमार पाण्डे :

“इन्कलाव जिन्दावाद ! विश्वका श्रमजीवि एक हौँ !”- यस्तै नारा घन्किएको जुलुस् देखेर भोला पछि पछि लाग्यो।

ऊ जुलुसको पछि हिँड्दै हिँड्दै गयो र एकदिन नेतृत्व तहमा पुग्यो।
“भोला दाई कहाँसम्म पुग्नुहुने हो ?”- एउटा नेपथ्यबाट आवाज आयो। “- थाहा छैन् ऊ सुस्तरी भन्यो।

“हजुरको माग केहो ?’- फेरि आर्को आवाज सुनियो।
“गास , बास र कपास”- भोलाले मुख मिठाउँदै भन्यो।

“हजुरलाई गास ,बास,र कपास भए पुग्छ त ? “- उसले सोध्यो।
“किन नपुगोस् पुग्छ नि। भोलाले भन्यो र खितिती हाँस्यो।

“यही होइनर गन्तब्य सबैको ?”- उस्ले सोध्यो।

तर भोला दाई चुपचाप गन्तव्य भन्दा माथि पुगिसकेको थियाे । संसदमा पुगिसकेको थियो जहाँबाट मन्त्री बन्ने सपना देख्दै थियो ।

०००
घोराही- १८, दाङ