राजनीतिको भ्यासेक्टोमी
नीति बिनाको हाम्रो राजनीति
बढ्दैछ आकार भयो भ्रष्टनीति
नेता भए कलुषित बिकार प्रिती
रुवाएर जनता भर्दैछन खल्ती ।
यो राजनीति झगडाको घर
गरौ भ्यासेक्टोमी हुने छ भर
बढ्दो प्रदूषण छ यो देशभित्र
देखिन्छ प्रष्ट काम विचित्र ।
यो राजनीति बनेका छ खोल
चोक्टा हराउँछ बाँकी छ झोल
डुब्छन धेरै नै भो कुरा नखोल
बनाएर आफ्नै मादल र ढोल ।
नियन्त्रण छैन कतै राजनीतिको यता
समातेर गर्नै पर्छ भ्यासेक्टोमी उता
मनपरी भो राजनीति देस खाने किरा
गर्नुपर्छ भ्यासेक्टोमी अब एक फेरा ।
सन्तान धेरै राजनीति भित्र
कुुकुर बिराला सरी विचित्र
भ्यासेक्टोमीले रोकिन्छ जन्म
यो राजनीति घट्नेछ सम्म ।
संस्कार खायो बढ्यो विकृति
विकार भित्रै हुक्र्यो राजनीति
फोस्रो छ कुरा भोेका छ पेट
राजनीति सित हुनेछ भेट ।
भोका र नाङ्गा रोएका अति नै
यो राजनीति छाडा भो अति नै
संख्या अति भो थाम्देन देसले
गरौँ भ्यासेक्टोमी मिलेर सबले ।
शिशा फुटेझैँ फुटेर हिँडेका
एक्लो गगनमा मैमत्ता भएका
जनता लडाएर मान्दैछ न्यानो
गरौँ भ्यासेक्टोमी जाँदैन गानो ।
माटो छ उर्वर प्रकृति छ सुनको
खाँदैछ भित्र रजाईँ छ घुनको
घटाउँ साँढेका अतिवाद हुल
नगरेर भ्यासेक्टोमी हुनेछ भूल ।
यहाँ सेतो परेवा सेतो छ हात्ती
च्याउ सरी देखिन्छ राजनीति
तिर्दै छौँ हामी करको छ भार
गरौँ भ्यासेक्टोमी रोकेर प्यार ।
उदयपुर