आर.आर. चौलागाईंमुसाहरू
अहिले हरेक पार्टीमा मुसाहरूको बिगबिगी छ र पार्टीहरू पनि मुसाहरूलाई दोसल्ला ओढाउन तँछाडमछाड गरिरहेका छन् ।
मुसाहरू
आफू चढेको डुङ्गा छोडेर
अर्कै डुङ्गामा हाम फाल्छन्
डुङ्गा फेरीफेरी हाम फाल्छन्
लगातार हाम फालिरहन्छन्
मुसाहरू ।
डुङ्गामा
प्वाल परेर जब पानी पस्न थाल्छ
उनीहरू आफूू चढेको डुङ्गा टाल्दैनन्
बरु अर्कै डुङ्गा चढेर हुइँकिन्छन्
र आफूलाई वीर भएको घोषणा गर्छन्
कथम् कदाचित
पहिलाकै डुङ्गा राम्रो बन्यो भने
पुनः त्यही डुङ्गामा फर्किन्छन्
र आफ्नो लगानीको फल माग्छन्
मुसाहरू ।
अहिले हरेक पार्टीमा
मुसाहरूको बिगबिगी छ
र पार्टीहरू पनि
मुसाहरूलाई दोसल्ला ओढाउन
तँछाडमछाड गरिरहेका छन् ।
हेटौंडा
Subscribe
Login
0 Comments
Oldest
