नेपाली हास्यव्यङ्ग्य अनलाइन पत्रिका

टेकेर टुप्पो जब कान तान्छ
भेटेर खुल्ला तब ज्यान लान्छ
देखिन्न दारी खुसिली छ नानी
आनन्द लाग्छन् महला कहानी !!

भन्दैन भेट्ने अनि साथ खाने
छक्कै बनायो यति बात माने
खोल्दैन ढोका अझ थुन्छ बानी
आनन्द लाग्छन् महला कहानी !!

बन्दैछ एक्लो सहजै समाज
पढ्छन् कि थन्के जनका नमाज
डुब्छन् त के भो जति छन् लगानी
आनन्द लाग्छन् महला कहानी !!

खान्छन् सबैले घरमा पकाई
गर्छन् सँ-सँगै न छ लौ थकाई
बच्चाहरूको सब सर्त मानी
आनन्द लाग्छन् महला कहानी !!

आफ्नाहरूको अझ याद मीठो
बोल्दै नबोले कहिले नमीठो
लाग्ला गुनासो न त लाग्छ ग्लानी
आनन्द लाग्छन् महला कहानी !!

लेख्दै छ बुन्दै कवि इन्द्रबज्रा
खोज्दै छ के हो छवि इन्द्रबज्रा
नाच्दै छ आँखा अझ शब्द छानी
आनन्द लाग्छन् महला कहानी !!

सक्नेहरूले सहयोग गर्नु
भोका दुखीको जति भोक हर्नु
नेपाल माटो शुभ होस् निसानी
आनन्द लाग्छन् महला कहानी !!

सानाठिमी, भक्तपुर