साइबर अपराध सम्बन्धी सचेतना सामग्री

उसलाई कमरेड शब्द असाध्य मन पर्न थालेको छ

हिजो हामीजस्ताहरूले हाम्रो घर भरिएको थियो त्यसैले कमरेड शब्दलाई ऊ असाध्य घृणा गर्थ्यो तर आज ऊजस्ताहरूले हाम्रो घर भरिँदै छ ।

Nepal Telecom ad

जतिबेला हामी बन्जर भूमि जोतिरहेका हुन्थ्यौँ
ऊ हाम्रो कुटो कोदालो खोस्न आइपुग्थ्यो
जतिबेला हामी कुवा खनिरहेका हुन्थ्यौँ
ऊ हामीलाई बिथोल्न आइपुग्थ्यो
जतिबेला हामी खेतबारीमा अन्न लगाइरहेका हुन्थ्यौँ
ऊ हामीलाई कोर्रा हान्न आइपुग्थ्यो
जतिबेला हामी बाटो बनाइरहेका हुन्थ्यौँ
ऊ हामीलाई आक्रमण गर्न आइपुग्थ्यो
त्यतिबेला कमरेड शब्दलाई ऊ असाध्य घृणा गर्थ्यो ।

जतिबेला हामी सुन्दर संसार सृजना गर्न
कविता, कथा, निबन्ध र गजल लेखिरहेका हुन्थ्यौँ
ऊ हाम्रा कलमहरू भाँच्न आइपुग्थ्यो
जतिबेला हामी दाजुभाइ र दिदीबहिनीहरूलाई एक जुट हुन भनिरहेका हुन्थ्यौँ
ऊ हाम्रा दाजुभाइ र दिदीबहिनीहरूलाई रक्ताम्य हुने गरी कुट्न आइपुग्थ्यो
हामी देशलाई माया गर्थ्यौँ
ऊ हामीलाई अराष्ट्रिय तत्व भन्थ्यो
हामी जनतालाई सम्मान गर्थ्यौँ
ऊ जनतालाई दास र कमाराको व्यवहार गर्थ्यो
त्यतिबेला कमरेड शब्दलाई ऊ असाध्य घृणा गर्थ्यो ।

जतिबेला हामी अँध्यारोका विरुद्ध
आवाज उठाइरहेका हुन्थ्यौँ
ऊ हामीलाई तितरबितर पार्न
कठबाँस र बन्दूकले निशाना ताकिरहेको हुन्थ्यो
जतिबेला हामी स्वतन्त्रताको गीत गाइरहेका हुन्थ्यौँ
ऊ हाम्रा बाजाहरू फुटाउन बाँदर, स्याल र हुँडारहरूको जत्थासहित आइपुग्थ्यो ।

हिजो
हामीजस्ताहरूले हाम्रो घर भरिएको थियो
त्यसैले कमरेड शब्दलाई ऊ असाध्य घृणा गर्थ्यो
तर आज
ऊजस्ताहरूले हाम्रो घर भरिँदै छ
त्यसैले उसलाई कमरेड शब्द असाध्य मन पर्न थालेको छ
अर्थात्
उनीहरू हाम्रो घरमा टनाटन हुने गरी भरिँदै छन्
अनि हामीचाहिँ हाम्रो घरबाट धमाधम खेदिँदै छौँ ।

२०७९ असार २१

Subscribe
Notify of
guest

0 Comments
Oldest
Newest Most Voted
Nepal Telecom ad
कविताको रङ

कविताको रङ

आर.आर. चौलागाईं
सिंहदरबारको पानी

सिंहदरबारको पानी

आर.आर. चौलागाईं
मौन विद्रोह

मौन विद्रोह

आर.आर. चौलागाईं
यमराजको फैसला

यमराजको फैसला

आर.आर. चौलागाईं
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x