नेपाली हास्यव्यङ्ग्य अनलाइन पत्रिका

किन रोचक देख्छु सधैं पथ यो ।
भतुवा र दलाल मिले रथको ।।
किन सुन्दर शान्त विकास दिने ।
पथ भ्रष्ट यहाँ सब आज चिने ।।
१
धन दौलत माझ दलाल बिके ।
किन साधु बने किन चोर्न सिके ।।
मिहिका मनमा कसरी म हिँडौ ।
बलवान् तिमी कसरी म भिँडौ ।।
२
अब राज गरी बस है डमरु।
कविता लय, छन्द उनेर भरुँ।।
तमता सब तर्फ छरी खलले ।
जडता अब फाल्छु यहाँ बलले।।
३
तपुषी मनमा कति बग्छ यहाँ ।
छ विकास नयाँ अब मिल्छ कहाँ ।।
मन कल्मष, शुद्ध छ ज्ञान भरी ।
अब भुर्भुर पङ्ख फिजाउ चरी ।।
४
पथ सात फिटे धन लाख लुटे ।
दलका भरिया सब देख्छु जुठे ।।
अब बोक्दिन है दलको पगरी ।
मन बाग फुलाउँछ यो लहरी ।।
५
नव ज्ञान छरौ म चिरी मिहिका ।
बदनाम सदैव हुनेछ फिका ।।
कविता गुलिया म छरौ रसका ।
गुणगान गरौं म यहाँ कसका ।।
६
जब देख्छु समान यहाँ किन खै ।
सब ज्ञान,विवेक गरी चिन है ।।
अझ ताप पुगेछ यहाँ रविको ।
म त हेम र क्षेम बने कविको ।।
७

पाटन २ सिलंगा, बैतडी
हालः- पहलमानपुर, कैलाली