लक्ष्मण नेवटियाचक्करपथको चक्कर
अब तपाईंहरू लगाइ राख्नुस् म कहाँ चक्करमाथि चक्कर बनेर घनचक्कर । नाउँ नै चक्करपथ- लगाई राख्नुस् चक्कर ।
जनता करायो
नेताजी भोट लिने बेला
हाम्रो घरको लगाउनु भयो,
चक्करमाथि चक्कर
चक्करमाथि चक्कर
अब फेरि यस्तो के भयो दुष्कर ?
तपाईंलाई चुनाव जिताएर पठाएदेखि त
झन लागिराखेको छ
चक्रपथ निर्माणमा शनिश्चर,
नेताले भन्यो अरु केहि होइन
तपाईंहरूकहाँ लगाएको चक्करको
हिसाब किताब लाउन गर्दैछु तरखर
राजनीतिमा नेता र जनताको
यस्तै चलिरहन्छ टक्कर ।
पहिले भोटका लागि मलाई
टंटलापुर घाममा तपाईं कहाँ
लगाउनु पर्यो चक्करमाथि चक्कर
अब तपाईंहरू लगाइ राख्नुस् म कहाँ
चक्करमाथि चक्कर बनेर घनचक्कर ।
नाउँ नै चक्करपथ- लगाई राख्नुस् चक्कर ।
विराटनगर
Subscribe
Login
0 Comments
Oldest
