लीलाराज दाहालसरकार उस्तै छ
नयाँ नेपाल भयो भन्छन् भन्नलाई सबै घुम्ने मेचमा बस्या बुढो खरदार उस्तै छ !
आवाज कहिल्यै नसुन्ने सरकार उस्तै छ
सधैं हाम्लाई नियतिको प्रहार उस्तै छ !
प्रगतिको मार्ग कतै छेकिन्छ कि अझै
यतै अनि उतै अल्झन छेकवार उस्तै छ !
जितिएला के समर अब फूर्ती लगाएर
दुश्मनसामु पछि हट्ने सरदार उस्तै छ !
नयाँ नेपाल भयो भन्छन् भन्नलाई सबै
घुम्ने मेचमा बस्या बुढो खरदार उस्तै छ !
वागमती ११, कर्मैया , सर्लाही
Subscribe
Login
0 Comments
Oldest
