नेपाली हास्यव्यङ्ग्य अनलाइन पत्रिका

बिझाउँदैन पचिसक्यो गाली आजभोलि
पानी होइन आँसु बग्छ खाली आजभोलि !

ईमान, जमान मासियो हराए ईमानदार
सलबलाउँछन् यताउता जाली आजभोलि !

समयकाल साह्रै अचेल खराव भएको छ
रक्ताम्मे छन् चरी बस्ने डाली आजभोलि !

गुमनाम छन् नैतिकताका पुजारीहरू त
ठग, सैतानहरू पाउँछन् ताली आजभोलि !

फूल फुल्नै छाडिसक्यो उजाड भो वाग
कुर्सी खोस्नै ब्यस्त छन् माली आजभोलि

०००

वागमती, सर्लाही