नेपाली हास्यव्यङ्ग्य अनलाइन पत्रिका

१)
बिहानै उसले पुजा थाल्छ फेसबुकबाट
अनि पेटमा चारो हाल्छ फेसबुकबाट
दिनभरि बरालिन्छ फेसबुककै सडकमा
साँझ फर्की बत्ती बाल्छ फेसबुकबाट !

२)
छैन पानी ठ्याम्मै लौ यो कस्तो ताल बनायौ
ओठ उदास छ आँखामा आँशु यो के हाल बनायौ
सानालाई ऐन लाउने त पुरानै हो रीति
ठूला माछा चाहिं फुत्किए यो कस्तो जाल बनायौ !

३)
जसै मबाट तिम्रो दिल दूर हुनेछ
बिर्सनलाई मन यो मजबुर हुनेछ
तिमीले नि सधैंभरि साथ दियौ भने
मरुभूमि मै बस्न मन मञ्जुर हुनेछ !

बागमती ११, कर्मैया, सर्लाही