भक्ति घिमिरे ‘दुर्बोध’वर्तमान
उजाडिए बस्तीहरू जलाइए, टुक्र्याइए, भत्काइए आस्था र विश्वासका धरोहरहरू प्रश्न निरुत्तरित छन् मनभित्र सरकार किन ? विधान किन ? संविधान किन ? निर्वाचन किन ?
हामी कुसुलेका पुतली
नाचिरहन्छौँ हाँसिरहन्छौं
टाउकामा धनले ठोके पनि
पैतालामा किलाले रोपे पनि
सियोले मुटुमा घोचे पनि
चुलो नबले पनि
उपचार, औषधी नपाएर ढले पनि
मतपत्र कुरिरहन्छौं हामी
त्यसको सम्मान गर्न नजान्ने
ठेकेदारलाई पुजिरहन्छौं हामी ।
केले छेक्छ कुन्नि
देख्तैन बैठकले रोगी अशक्त
महामारी, पेटको आगो, भोकमरी
आँखा नदेख्ने, कान नसुन्ने
हिल्लिरहन्छ, खिल्लिरहन्छ
छिल्लिरहन्छ दरवार ।
आँखा नदेख्ने काम नसुन्ने
भाग कहिल्यै नबिर्सनें
केका लागि बग्यो रगत
उजाडिए कोख, सिउँदो, काखहरू
उजाडिए बस्तीहरू
जलाइए, टुक्र्याइए, भत्काइए
आस्था र विश्वासका धरोहरहरू
प्रश्न निरुत्तरित छन् मनभित्र
सरकार किन ? विधान किन ?
संविधान किन ? निर्वाचन किन ?
भोजपुर
Subscribe
Login
0 Comments
Oldest
