भक्ति घिमिरे ‘दुर्बोध’बाङ्गा हाइकुको बथान
अटेरी साँडे सबैलाई सन्त्रास बालीको नाश ।
घडीको सुई
बङ्ग्याउन खोज्दथ्यो
आफैँ बाङ्गियो ।१।
उर्लियो खोला
कसरी तर्ने होला
डुङ्गा त छैन ।२।
परेर झरी
गर्यो नि मनपरी
बैठक जारी ।३।
बाटो काटेछ
कालो ढाडे बिरालो
आफै पो ङ्यार ।४।
प्यारो उसैको
सधैँ सधैँ तगारो
पिपलपाते ।५।
उपाय छैन
पोखिनु निश्चित हो
उम्लिएपछि ।६।
छचल्कियो कि
त्यो आधा गाग्री पानी
भुइँ न भाँडो ।७।
अटेरी साँडे
सबैलाई सन्त्रास
बालीको नाश ।८।
अरुण -४, चरम्बी, भोजपुर
