नेपाली हास्यव्यङ्ग्य अनलाइन पत्रिका

मेरो हजुरबुवाको पालामा
मुसा मार्न पालेको बिरालोले
हैरान बनाएपछि दुध चोरेर
श्राद्धमा शुद्धताका लागि श्राद्ध अबधिभर बाँध्ने गरियो ।

मेरा बा’का पालामा घरमा त थिएन
तर, छिमेकीको बिरालोले दुःख
दिन थालेपछि कम्तिमा श्राद्धभरि बाँधेर राखियो ।

अहिले तेरो पालामा
घरमा न भैसी छ, न दुध छ,
सात गाउँ खोज्दा पनि बिरालो भेटिदैन
तिथि सकिएला जस्तो भैसक्यो

तँ भने बिरालो खोज्न गएको फर्केको छैनस्
भन् त बाबु ..!
कुरै नबुझी तँ किन यो बिरालो बाँध्ने
परम्परा पछ्याइरहेको छस्…?

०००