लक्ष्मण नेवटियावाह ! गजबको यो लौरो
सत्यको संरक्षक, गर्दैन प्रतिकूल लौरो, अन्यायीलाई गर्न नष्ट, बन्छ त्रिशूल लौरो, कहिले उघार्न त कहिले ढाक्न लौरो, कहिले टेक्न त कहिले सेक्न लौरो, क्या गजबको यो लौरो ।
अयोग्यलाई हरविजोग गराउने लौरो
योग्यलाई सुसंजोग जुराउने लौरो ।
वाह ! गजबको यो लौरो ।
थच्चिएकालाई भुत्भुताउन लौरो,
थिचिएकालाई जुर्मुराउन लौरो ।
वाह ! गजबको यो लौरो।
मच्चिएकालाई मिलाउन लौरो,
हच्चकिएकालाई जगाउन लौरो,
वाह ! गजबको यो लौरो ।
सत्यको संरक्षक, गर्दैन प्रतिकूल लौरो,
अन्यायीलाई गर्न नष्ट, बन्छ त्रिशूल लौरो
वाह ! गजबको यो लौरो ।
कहिले उघार्न त कहिले ढाक्न लौरो,
कहिले टेक्न त कहिले सेक्न लौरो,
क्या गजबको यो लौरो ।
०००
विराटनगर
