भोलानाथ सुबेदीकन्ठी लगा
अब के गर्ने कान्छा तँ बेरोजगारी छस् कि विदेश जा कि गेटमा ताला लगा बाले भने भान्सा महँगो भो कान्छा अब घाँटीमा कन्ठी लगा ।
बाले भने
भान्सा मँहगो भो कान्छा
अब घाँटीमा कन्ठी लगा
पेन्सनले टेन्सन दियो
महँगीले उधुम छ
यहाँ के गरेर बस्छस्
सबै उडिसके विदेश जा
पाहुना आइदिन्छन्
थपी थपी खाइदिन्छन्
यत्रो सानो भाँडोमा किन पकाको
तीन दिन भो घरमा केही नखाको
सादा नखाने रे मासु ल्याइ दे
कस्ता कस्ता मान्छे आउँछन्
थर्काइ दे
गेटमा ताला झुन्ड्याएर फर्काइ दे
दर भन्छन् तर खान्छन्
जन्मदिन भन्छन्
कर्मदिन भन्छन्
तलब बढ्यो भन्छन्
टोकसो गर्छन्
अब के गर्ने कान्छा
तँ बेरोजगारी छस्
कि विदेश जा
कि गेटमा ताला लगा
बाले भने
भान्सा महँगो भो कान्छा
अब घाँटीमा कन्ठी लगा ।
०००
ओखलढुङ्गा
Subscribe
Login
0 Comments
Oldest
