टङ्कराज ढकाल ‘तितेपाती’दण्डित दानव हुन्छ विराज
दुच्छर बन्दछ गर्छ मसाज खान्छ बराबर आलु र प्याज लिन्छ त दोबर साउँ र ब्याज दण्डित दानव हुन्छ विराज ।
खण्डित मानव बन्छ समाज
हिंड्दछ के बल काम न काज
रौरवको छल दाश छ आज
दण्डित दानव हुन्छ विराज ।१
पौरखको बल हिंड्नु छ आज
दुन्दुभि केवल बज्दछ लाज
कर्कश राक्षस चुन्दछ बाज
दण्डित दानव हुन्छ विराज ।२
हुर्कन सक्दछ रक्तिम साज
बढ्दछ यौवन गर्दछ राज
छैन कतै पनि कष्ट र लाज
दण्डित दानव हुन्छ विराज ।२
दोष जता पनि दिन्छ समाज
लोभ र लालच बढ्दछ आज
कर्म सनातन लुक्दछ ताज
दण्डित दानव हुन्छ विराज ।३
दुच्छर बन्दछ गर्छ मसाज
खान्छ बराबर आलु र प्याज
लिन्छ त दोबर साउँ र ब्याज
दण्डित दानव हुन्छ विराज ।४
जो खुकुरी बल गर्दछ राज
भिर्छ धमाधम रुष्ट छ बाज
खान्छ हलाहल पोल्दछ लाज
दण्डित दानव हुन्छ विराज ।५
दुर्जन दुष्ट छ राज विराज
गर्धन हेर्दछ मात्दछ लाज
अन्ध कथानक कत्थक ताज
दण्डित दानव हुन्छ विराज ।६
०००
चितवन
