मोबाइल र नेता
तर कतै छैन पसल फेरिन्छन् तुरुन्त बिग्रेका नेता जहाँ । अनुरोध यति मात्र छ राष्ट्रहितको कित्तामा उभौं, मोबाइल र नेताको फरकलाई बुझौं ।
मोबाइल किन्नु हुन्छ ब्राण्डेड,
हो नितान्त व्यक्तिगत निणर्य हो,
छान्नुस् र किन्नुस् ! त्यही,
जुन राम्रो छ तपाईंको दृष्टिमा ।
तर कतै नजाँचेर
देश हाँक्ने नेता पनि छान्नु भयो
हेरि पार्टी ब्राण्डेड
तब फरक पर्छ समष्टिमा ।
मोबाइलको वारेन्टी पनि हुन्छ !
निश्चित ग्यारेन्टी पनि हुन्छ,
ठिक काम नगर्दा फेरिन पाउँछ,
पसले कहाँ ।
तर कतै छैन पसल
फेरिन्छन् तुरुन्त
बिग्रेका नेता जहाँ ।
अनुरोध यति मात्र छ
राष्ट्रहितको कित्तामा उभौं,
मोबाइल र नेताको
फरकलाई बुझौं ।
०००
विराटनगर- ९