नेपाली हास्यव्यङ्ग्य अनलाइन पत्रिका

१. वाट्सएप र यमदूत

नातिले आफ्ना बाजेलाई
मृत्युको मुखबाट जोगाएछ,
आएको यमदूतलाई
ह्वाट्सएप चलाउन सिकाएछ ।
बाजे मृत्युलोकमै मस्त छ,
यमदूत मोबाइल चलाउँदै व्यस्त छ,
उता यमराज पस्त,
यमलोक अस्त-व्यस्त छ ।

२. हल्दुराम हलवाई

छोरीका लागि
आयल एण्ड गैस कम्पनीमा
काम गर्ने भेट्दा ज्वाईं-
सबै दिइरहेका थिए
भ्याइ नभ्याइ रामप्रसादजीलाई
अनेकानेक बधाई ।

ठानेको उनले इन्जिनियर ?
तर थियो बनाउने मिठाई
“बच्छुराम होटल” को
“हल्दुराम हलवाई” ।

०००
विराटनगर