नेपाली हास्यव्यङ्ग्य अनलाइन पत्रिका

धेरै सरकार आए-गए आफ्नै  कथा हाली
तिनका शासनकाल हेरी ताली दिउँ कि गाली ?

काम बिनाका बाचा दिए जनतामा खाली
अलपत्र योजना बिच जस खोजे ताली

नियुक्तिमा आफ्ना मान्छे भर्ना गरे खाली
आफूवाद र अवसरवादलाइ नगरौँ म गाली ?

दिन बित्यो वर्ष बित्यो भोलि भन्दै खालि
ढिलासुस्ती प्रशंसक भै ठोक्नु मैले ताली ?

अड्डा पसे घुस माग्ने चलन बढ््यो खाली
भ्रष्टाचारले छोप्दाछोप्दै नगरौँ त गाली ?

ऋणको भारी मात्र देशले कति बोकोस् खालि ?
विकाशरहित खर्च बढ्दा नगरौँ म गाली ?

जति सरकार आए-गए उस्तै परे खाली
यस्तो चाला देखिदेखी ठोक्नु ंंतिनलाइ ताली ? ।।

०००
अमेरिका