नेपाली हास्यव्यङ्ग्य अनलाइन पत्रिका

चस्मा भए छ दोषी, आँखा खुशी हुँदैन
मान्छे कहाँ छ जाती, मर्दा दिलै छुँदैन
नेपालको छिमेकी, गर्दैन बात जाती
खोला किनार मिच्ने, बानी छ राष्ट्रघाती ।।

होली नखेल नेता, झोली भरेर हुन्न
देशै भयो बिरामी, खोली तरेर हुन्न
टोपी हिमाल हाम्रो, राख्छौं नि माथ माथि
खोला किनार मिच्ने, साथी छ राष्ट्रघाती ।।

के व्यङ्ग्य गर्नु तिम्रो,काहीं छुँदैन भित्र
पैसा गनेर साथी, किन्ने भयौ कि मित्र
बेसी र फाँटमा छन्, उब्जाउँ भूमि साथी
खोला किनार मिच्ने, बानी छ राष्ट्रघाती ।।

सारा नदी र खोला, तिम्रा सबै हुँदैनन्
लोभी छ नेत्र तिम्रो, विश्वासले छुँदैनन्
पाखा मुनाल नाच्ने, मान्छे छ चार जाती
खोला किनार मिच्ने, बानी छ राष्ट्रघाती ।।

नेपाल छैन चोखो, भोको छ चोक गल्ली
दुख्दै मरेर जान्छन्, मान्छे भयो बिचल्ली
ठग्दै कमाइ गर्छन्, आफ्ना दुखाइ राति
खोला किनार मिच्ने, बानी छ राष्ट्रघाती ।।

०००
सानोठिमी, भक्तपुर