नेपाली हास्यव्यङ्ग्य अनलाइन पत्रिका

गर्न पाइने घात के गरि
पार्न पाइने हात के गरि
सम्झना यिनै गर्न थाल्नु भो
यो विधान हो बाह्र भाइको ।८।

राजनीतिको चाल च्ल्नुभो
पाउ मोल्नुभो फेरि छ्ल्नुभो
चाख्न खोज्नुभो स्वादिलो कुरो
चढ्न खोज्नुभो उच्च टाकुरो ।९।

पार्न खोज्नुभो एउटै सुँडो
गोप्य चालले खेल्नुभो लुँडो
स्वार्थको लुतो अङ्गमा बढ्यो
स्वच्छ भावना जो थियोे सड्यो ।१०।

भाँड बन्नुभो साँड बन्नुभो
देश निम्ति झन् गाँड बन्नुभो
बन्न खोज्नुभो नर्कमा खडा
बोक्न ख्ज्नुभो पापको घडा ।११।

कर्म गर्नुभो साम्प्रदायिक
छैन कार्य क्यै हेर्न लाइक
धाक लाउँदै बात मार्नुभो
बाहिरी कुरा ठिक्क पार्नुभो ।१२।

शान्ति भन्नुभो कान्ति भन्नुभो
सत्यको सधैं रोग बन्नुभो
झन् अतीतका घाउ रोज्नुभो
मानवीयता त्याग्न खोज्नुभो। ।१३।

शब्द पार्नुभो जो यताउता
छर्न थाल्नुभो दानवीयता
बाह्र भाइमा मात्र मित्रता
अन्यथा भए हुन्छ शत्रुता ।१४।

०००
ओखलढुङ्गा