नेपाली हास्यव्यङ्ग्य अनलाइन पत्रिका

होलीमा होलीमा
देश विकास गर्न अब
न दम छ प्रचन्डमा
न दम छ देउवा ओलीमा
रङ्गिन चोलीमा
न विश्वास छ अब देउपामा
न प्रचन्ड ओलीमा ।

कोही मरेका छन् कुर्सीका लागि
कोही मरेका छन् सत्ताको लागि
कोही मरेका छन् शक्तिका लागि
कोही मरेका हरिया पत्ताको लागि
होलीमा होलीमा
बेमानै बेमान
भेटियो राजनीतिक टोलीमा ।

अब नेताको के ठेगान छ ?
नारायणहिटी भन्दा ठुलो यिनको मकान छ
स्याल भन्दा चतुर
सर्प भन्दा यहा नेता बेमान छ
होलीमा होलीमा
देशै गयो विदेशी झोलीमा ।

०००
घट्टेकुलो, काठमाडौं