साइबर अपराध सम्बन्धी सचेतना सामग्री

चाउरे पिरती

सहे कष्ट कैयौं यहाँ भन्छ खै को । युवा, बाल, बृद्धा यहाँ गन्छ खै को ॥ मुसासाथ खेल्दै बिराला र कुत्ता । तिरो खान्छ हाम्रै उचालेर जुत्ता ॥

Nepal Telecom ad

धुवाँदार बल्दै थियो दाउरा झैँ ।
बनेको छ मान्छे सधैं फ्याउरा झैँ ॥
नता मान सम्मानमा रम्छ मान्छे ।
बनायौ तिमीले सधैं चोर भान्से ॥
१

थियो ध्यान सारा लुटी खानलाई ।
डकार्दै छ सत्ता म दिन्थे बधाई ॥
थुनी च्याप्प निर्धो बजार्दै सिपाही ।
गरी बस्छु सेवा उसैको म धाई ॥
२

घुमी ढोल ठोक्ने सुनौलो जमाना ।
कहाँ बस्छ गाँन्टे म देख्दैन छाना ॥
थियो जोत जस्को लियो पोत सुन्थे
सधैं दीन सोझा समात्दै म थुन्थे ॥
३

छरेको छु नारा यहाँ फल्न थाल्यो ।
यहाँ चाउरे प्रेमले आज ढाल्यो ॥
बनेको छ मत्ता उनै दीन ढोई ।
थियो साथ सत्ता म चिन्दैन कोही ॥
४

मुसा झैँ छ चाला बनेको छ साँढे ।
सुगन्धी थियो पुष्प देख्दै छु काँडे ॥
छरी मिष्ट नारा भरोसा दिलायो ।
बनी शीत थोपा कहाँ ऊ बिलायो ॥
५

जपी चाउरे प्रेम उम्लेछ काया ।
बसे दास,आफन्त दायाँ र बायाँ ॥
भयो देश रित्तो युवा पस्छ खाडी ।
थियो रक्त कार्पेट चिल्लो छ गाडी ॥
६

सहे कष्ट कैयौं यहाँ भन्छ खै को ।
युवा, बाल, बृद्धा यहाँ गन्छ खै को ॥
मुसासाथ खेल्दै बिराला र कुत्ता ।
तिरो खान्छ हाम्रै उचालेर जुत्ता ॥
७

बने ऐन कैयौं सबै मिच्न थाले ।
उचालेर राँको सधैं देश बाले ॥
थियो देश साह्रै पियारो मलाई ।
म थाप्नेछु छाती परे देशलाई ॥
८

०००
पाटन २ सिलंगा, बैतडी

Subscribe
Notify of
guest

0 Comments
Oldest
Newest Most Voted
Nepal Telecom ad
भैंसीको दुखेसो

भैंसीको दुखेसो

हेमराज पन्त
पीडा

पीडा

हेमराज पन्त
गुनासो

गुनासो

हेमराज पन्त
म लाछी

म लाछी

हेमराज पन्त
आधुनिकता

आधुनिकता

हेमराज पन्त
जुकेबल

जुकेबल

हेमराज पन्त
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x