कृष्णशरण उपाध्याय पाैडेलहेर्नलाई छ टावर
भत्ता खाएर यो सत्ता, बेपत्ता छ कहाँ कहाँ आमा को च्यातिँदो चीर, हेर्नलाई छ टावर किसान तड्पिएको छ मल बीज विना सधैँ उसैमा रोपिँदो झीर, हेर्नलाई छ टावर ।
आमा को खिन्न तस्वीर, हेर्नलाई छ टावर
नेपाली जन को पीर, हेर्नलाई छ टावर
सुन को बटुकी थापी, हामी माग्ने भयौँ सबै
यही निर्लज्ज तक्दीर, हेर्नलाई छ टावर
माम दाम न छन् काम दुःख दैन्य तमाम छ
आँशु को खप्परे भीर, हेर्नलाई छ टावर
रोजगारी विना, भारी बोक्न पारि गए युवा
अन्तै को मात्र जागीर, हेर्नलाई छ टावर
भत्ता खाएर यो सत्ता, बेपत्ता छ कहाँ कहाँ
आमा को च्यातिँदो चीर, हेर्नलाई छ टावर
किसान तड्पिएको छ मल बीज विना सधैँ
उसैमा रोपिँदो झीर, हेर्नलाई छ टावर ।
०००
चितवन
