कृष्णदेव रिमालसाँढा शासन
उनीहरूको जिभ्रो तल नालिसम्मै गाडिएको देख्छु उहिले, तपाईंको पालामा राणा शासन थ्यो अहिले हाम्रा पालामा साँढा शासन छ !!
कृष्णदेव रिमाल :
हिँड्दा हिँड्दै एक दिन
अनायास बास पर्यो
दशरथचन्दको पालिमा
सोधे- देशको खबर
मैले पनि बताइदिएँ सीधा कुरो
जनाताका नोकरहरूको दादागिरी
विकासका बाधकहरूको नाटक
कमिशनखोरहरूको रोकावट
भनिदिएँ- बेफिक्र भएर
रामले सुने, पुन्यले सुने
त्यो भन्दा पनि कान थापेर त
दशरथकै सालिकले सुने ।
कसैले भन्यो- यो त
सुनाउन पर्ने जिउँदाहरूलाई !
रामले थपे-
कानभरी कानेगुजी छ तिनका
पुन्यले थपे-
आँखाभरी बादल छ तिनका
आफू गरूँ भन्छु
च्यानलको घेरा देख्छु
ठुलाहरूको हप्की सुन्छु
उनीहरूको जिभ्रो
तल नालिसम्मै गाडिएको देख्छु
उहिले, तपाईंको पालामा
राणा शासन थ्यो
अहिले हाम्रा पालामा
साँढा शासन छ !!
०००
काठमाडौंं
