नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्याल :

आए-गए हरेक सरकार कुरा गर्दै चर्का
तर तिनले हल गरेनन् गरिबको मर्का

वर्षैपिच्छे थोपर्दिए महङ्गीको भार
आश्वासनको पोको बाँडे ढुक्क बारम्वार

टालिएनन् झुपडीमा चुहिएको छानो
कनिकाको साथ रहेन पकाउन मानो

आफ्ना लागि प्रयोग गरे सङ्कलित कर
गरिब लक्षित राहतको क्यै रहेन भर

नयाँ पिंडी अत्तालिए नपाउँदा काम
बाद्यतामा लाग्दै गए खाडी जान लाम

नेता ध्यान केन्द्रित भयो आफ्नै लागि बढी
स्वार्थ टाल्दै अल्मलियो सिंहदरबार घडी ॥

०००
काठामाडौं