नेपाली हास्यव्यङ्ग्य अनलाइन पत्रिका

प्रेम ओली ढकलपुरे :

कोही कमिसनखोरी बाहरू
कोही अर्काकी बुढी च्याप्ने फोरी बाहरू
कोही कौरवका बा जस्ता बाहरू
कोही महा घुसखोरी बाहरू ।

बाहरू पनि गजबकै बाहरू
जती खाए पनि कहिले न अघाउने बाहरू
बाडी पहिरो जे आए पनि न बगाउने बाहरू
बाहरूको भुँडी झन चमत्कारी
खोला नाला पुल सुन जे पनि पचाउने बाहरू ।

बाहरू पनि यती ज्याद्रा कि
जति कमाए पनि
सरकारी धनमै विदेश उपचार गर्ने
यति धेरै छोराछोरी डाक्टर भए पनि
विश्वास नै नगर्ने बाहरू
कोही डाकु जस्ता बाहरू
कोही ठग जस्ता बाहरू
कोही हत्यारा जस्ता बाहरू
देशमा जे गरे पनि
कहिले जेल नजाने बाहरू
बाहरूले देशै बेची खाएछन् भने
चुपचाप छन् छोरा छोरीहरू
पाण्डवहरू परेछन् कि
कोही बिरोधमा उत्रदैन त !
बरु लुसु लुसु खाडीतिर पस्दैछन्
कोही युरोप अमेरिकातिर बस्दैछन्
तपाईंलाई अझै यी बाहरूले देश बनाउँछन् लाग्छ ?

अब खाडीतिर हैन
अब युरोप अमेरिकातिर हैन
अब बाहरूबाट आफ्नो अधिकार माग्नु पर्छ
मान्दैन भने सत्ताचुत गर्नेतिर लाग्नु पर्छ
अनि मात्र देश बन्छ र हाम्रो भविश्य बन्छ
यी बाले हाम्रो भविश्य बनाउने छ कसले भन्छ
यदि भन्छ भने त्यो आज कौरव बन्छ
र भोलि त्यो धृतराष्ट्र बन्छ ।

०००
घट्टेकुलो, काठमाडौं