मन चाहिँ शरणार्थी शिविरमा ?
फेरि मन भुटानी शरणार्थी शिविरमा । कान फोहोर उठाउने गाडीको फिरफिरमा । समस्य जति ढल्न आँटे पनि राखौं मन स्थिरमा ।
टङ्कबहादुर आले :
शरीर खोलाको तीरमा
आँखा बन्कर लड्ने भीरमा
हात राखेको छ शिरमा
मन उनिएको छ झीरमा
लाखै
यसपाली कत्ति नरूनू
चक्षुलाई चोभेर नीरमा ।
ललिता निवास
सय किलो सुन
अझै के के हो
यो जाबोको
मन कीटपतङ्गको कीरकीरमा ।
कसैको हात डुब्यो है खिरमा
कतिको जिउ सुक्यो होला पीरमा ।
फेरि मन
भुटानी शरणार्थी शिविरमा ।
कान
फोहोर उठाउने गाडीको फिरफिरमा ।
समस्य जति ढल्न आँटे पनि
राखौं मन स्थिरमा ।
०००
त्रियुगा नगरपालिका- ११, उदयपुर