टङ्कबहादुर आलेअर्को चेतनाको अवतरण
ठडिनु भन्दा धेरै ठडिँदै गएपछि मोटाउनु भन्दा धेरै मुरीभुस भएपछि चल्दै गरेको हावाले लयो भुलेपछि दिनहरूले तालिका छाडे पछि सम्झौँ छिट्टै अर्को चेतनाको अवतरण भइरहेछ ।
टङ्कबहादुर आलेमगर :
जब
समय निरन्तताबाट चिप्लिन्छ
भरोसाका चुचुराहरू मकाउन थाल्छन्
देवता ठानेका खोलाहरूले
आफ्नै कोखा रेट्नु थाल्छन्
पीडाहरू उछिट्टेर जनमानससम्म पुग्छन्
कर्तव्यलाई लोभको चोटामा पुर्याउँछन्
जन्मेको माटोको ढेडो मस्काएर
आर्गेनिक भन्दै भ्रष्टचारको झोलसँग चोब्दै घिच्न थाल्छन्
नियतलाई कहिल्यै नभरिने आफ्नै घ्याम्पे भुँडी बनाउँछन्
जिम्मेवारीको चटनीसँग बेहोरा होस्रिरहन्छन्
इमानको फाँचो काटेर बिक्रिमा राख्छन् ।
ठडिनु भन्दा धेरै ठडिँदै गएपछि
मोटाउनु भन्दा धेरै मुरीभुस भएपछि
चल्दै गरेको हावाले लयो भुलेपछि
दिनहरूले तालिका छाडे पछि
सम्झौँ
छिट्टै
अर्को चेतनाको अवतरण भइरहेछ ।
०००
त्रियुगा नगरपालिका— ११, हिमालीटोल, उदयपुर
Subscribe
Login
0 Comments
Oldest
