सुमी लोहनीदुई टुक्रा कविता
ठूलो मान्छेको ठूलै चाला भएर होला मौकाअनुसार रुप बदल्न खप्पिस होइसिन्छ उहाँ !
सुमी लोहनी :
१. मपाईं
विज्ञापनको जादुले
छरी आँखामा धुलो
भन्नुपर्छ आफैंले-
‘मै राम्रो, मै ठूलो’
गर्नसक्नेले
जे गरे पनि हुन्छ यहाँ
लुक्नेपरे छदै छ नि
राजनीतिको दुलो !
२. बहुरुपी
सभामा
आदर्शका भाषण
छाटिसिन्छ उहाँ
‘स्वहित’ हुनेभए
गधालाई पनि
गाई भनिसिन्छ उहाँ
ठूलो मान्छेको
ठूलै चाला भएर होला
मौकाअनुसार
रुप बदल्न
खप्पिस होइसिन्छ उहाँ !
०००
भाटभटेनी, काठमाडौं
Subscribe
Login
0 Comments
Oldest
