लक्ष्मण नेवटियातबलाको अविष्कार
“तबला धरतीमा ओर्ल्याे साकार भयो एक नया अविष्कार ।” ल सुन्नुस् तपाईं पनि ताक धिन धिन धिन ताक धिन धिन धिन तबलाको झंकार के को झंकार ? भन्नुस् ढं-ढं-ढंकार..।
लक्ष्मण नेवटिया :
ऊ थियो सहरको नामूद ढोलकिया 
अर्थात संगीतकार ।
दिनहूँको ढप -ढप, ढम -ढम
ढीढांग, ढम- ढम ले भएर हैरान ।
स्वास्नीले पहिले गरिन् लोग्नेसँग
ढोलक नठोक्न हार गुहार
नमान्दा गरिन् कडा प्रतिकार
तर जब प्रतिकारले पनि
लागेन पार, उसले नमानेर हार
ढोलकको बीचैमा
बञ्चरोले गरिन् तीव्र प्रहार ।
र ढोलकका छुट्याइदिइन
सेतोमा काला दुवै द्वार ।
हो हजुर ! त्यही दिन
“तबला धरतीमा ओर्ल्याे साकार
भयो एक नया अविष्कार ।”
ल सुन्नुस् तपाईं पनि
ताक धिन धिन धिन
ताक धिन धिन धिन
तबलाको झंकार
के को झंकार ? भन्नुस् ढं-ढं-ढंकार..।
०००
विराटनगर
