नेपाली हास्यव्यङ्ग्य अनलाइन पत्रिका

भोलानाथ सुवेदी :

आजभोलि किन यस्तो हुन थाल्यो जेठी
सानैमा व्यस्त भए मोबाइलमा केटाकेटी
लामखुट्टे नि लेक चढे जुका झरे बेँसी
फेसबुक र टिकटक भो नेपालीको खेती

माछा छैनन् कुरभित्र पसे भन्छन् गुफा
सर्पले नि डस्न छोडे डस्ने गर्छन् मुसा
बजार नि कालो भयो भन्छन् गोरा बसी
विदेशबाटै आउने गर्छन् बोका अनि खसी

घट्छ होला भाउ भन्यो बढ्ने मात्र अति
हिसाब गरि बस्ने गर्छु विदेश पसे कति
गाउँघरमा बस्ती छैनन् बाँझै होलान् टारी
हात बाँधेर बसेका छौँ शहरमा बात मारी

अक्सिजन नि किन्नु पर्ने पानी दिनदिनै
विषादी छ खाद्यान्नमा विचारमा झनै
भ्रष्ट भयो राजनीति जनता जागौँ जागौँ
अन्याय र अत्याचार सीमा कटाइ फालौँ ।

०००
(९८४३०५४१६१)