नेपाली हास्यव्यङ्ग्य अनलाइन पत्रिका

भोलानाथ सुवेदी :

यी फुटपाथमा हिँडेका मान्छे के हेर्नू
रोगले थलिएका मान्छे के हेर्नू
कोही पातो खुस्केका
कोही हातो खुस्केका
थला परेर घिसार्नु पर्नेहरू
बल गरेर घचेट्नु पर्नेहरू
यी सबैलाई हेर्नुभन्दा
एसी पजेरोमा चढ्ने रहर भो
मलाई नि मन्त्री बन्ने रहर भो
साइरन बजाउँदै कुद्न पाइने
अगौटे पछौटे लगाउन पाइने
तातो चिसो जे ग्रहण गरे भो
मलाई नि मन्त्री बन्ने रहर भो
तारे होटलमा तरिन मिल्ने
लन्च डिनरमा दरिन मिल्ने
आँखा राता पारेर हिँडे भो
जहाँ मन लागे नि छिरे भो
मोजमस्तीमा रम्न पाइने
उपचार सेवा सबै चाहिने
खर्चको भार जसलाई परे भो
मलाई नि मन्त्री बन्ने रहर भो ।

०००
(९८४३०५४१६१)