सुभाषचन्द्र देवकाेटासेल्फी ! सेल्फी ! !
सेल्फी फ्रेमभित्र गाडीका लस्करहरू किन देखिएनन् ? हजुर राज हुने दरबारहरू देखिएनन् ? हजुरको मधुर मुस्कान त देखियो, तर,हजुरका दुःखले आर्जेका कमिसनका पहाडहरू पनि देखिएनन् ?
सुभाषचन्द्र देवकोटा :
सेल्फी खिच्नु भयो,
खुब रमाउनु भयो,
पौरख गर्नु भयो,
कीर्ति राख्नु भयो !
कस्तो लाग्यो हजुर,
सेल्फीमा देखिने आफ्नै अनुहार ?
पहिले कस्तो हुनुहुन्थ्यो ?
अहिले कस्तो हुनुभएछ ?
शरीरमा बोसो कत्तिको लागेछ ?
भुँडी कत्रो भएछ ?
पहिले त सिकुटे दाउरे हुनु हुन्थ्यो !
सेल्फी त दामी आएछ,
कायापलटै भएछ !
झोल्लिएका गाला तन्किएछन्,
सुकेका ओठ राता भएछन्,
कपालमा कालो दल्नु भएछ,
रुपरङ्ग पुरै बदलिएछ,
चिल्लो हुनु भएछ !
टोपी र दौरा सुरुवाल लगाउँदा,
ठ्याक्कै राजाको बाँन्की आएछ !
सेल्फी उधुम राम्रो लाग्यो!
तर अचम्म ?
सेल्फी फ्रेमभित्र
गाडीका लस्करहरू किन देखिएनन् ?
हजुर राज हुने दरबारहरू देखिएनन् ?
हजुरको मधुर मुस्कान त देखियो,
तर, हजुरका दुःखले आर्जेका
कमिसनका पहाडहरू पनि देखिएनन् ?
जे होस्,
हजुरको चिल्लो व्यक्तित्व,
हजुरका आसेपासेहरूको भिड,
हजुरको मधुर मुस्कान
सेल्फी दामी लाग्यो !
०००
गोरखा ।
Subscribe
Login
0 Comments
Oldest
