नेपाली हास्यव्यङ्ग्य अनलाइन पत्रिका

भरत गुरागाईं बर्बरिक :

आगोलाई अग्निदेव भन्नुहुन्थ्यो आमा,
जब चितामा चढाएर
आमाको मुखमा आगो झोस्न लगाइयो मलाई,
त्यही बेलादेखि
मेरो विश्वास भत्किएको हो ।
तिनीहरुलाई
आगोले कहिल्यै झोसेन,
जसले निरीह बस्तीहरूमा
बारम्बार
रङ्गीबिरङ्गी आगो वर्षाइरहेँ ।
आगोको पहिरोले
युक्रेनलाई पुरिरहेछ,
इजरायललाई डढाइरहेछ,
प्यालेष्टाइनलाई पिल्स्याइरहेछ,
हुर्हुरी सल्किएको अग्निकुण्ड भित्रबाट
मानवता चिच्याइरहेछ यतिबेला ।
अब हेर्नुछ-
यो दशैँमा
मेरो दुर्गम बस्तीका चुह्लोहरुमा
आगोले कस्तो गीत गाउँछ ।

०००

माेरङ