होम सुवेदीचारैतिर
चारैतिरबाट चिथोरिएको नेपाल महाभारतको अभिमन्युझैँ युद्धमा परास्त कुटिएको सैनिकझैँ हिरिक हिरिक छ वैरीको झुन्ड उसका चारैतिरबाट लुछ्न र थङ्थिलो पार्न ।
होम सुवेदी ;
एउटा छ नेपाल
हजारौँ बाजले
कोपरिएको छ
चिथोरिएको छ
शरीरभरिका घाउबाट
थिलथिलिएको छ
जिउभरिका खटिराले
पिलिएको छ
उसका चारैतिर छन्
हुँडार
बाघ
भालु
चितुवा
अर्ना
र अनेकौँ भोका हिंस्रक जन्तुहरू
यिनैबाट
सारा शरीर
चारैतिरबाट
चिथोरिएको छ
निचोरिएको छ
घरैभित्रका हिँस्रक चितुवाबाट
कोपरिएको छ
चारैतिरबाट
चिथोरिएको नेपाल
महाभारतको अभिमन्युझैँ
युद्धमा परास्त
कुटिएको सैनिकझैँ
हिरिक हिरिक छ
वैरीको झुन्ड
उसका चारैतिरबाट
लुछ्न र थङ्थिलो पार्न
मानौँ
सिकार पाएको हुँडारझुन्डझैँ
खिलखिलाइरहेको छ
खिलखिलाइरहेको छ ।
०००
झापा
Subscribe
Login
0 Comments
Oldest
