भोलानाथ सुबेदीचौरासी
सबैको गन्तव्य एउटै भएपछि काहिँ जानलाई पनि चौरासी चाहिएको छ सबै हात बाँधेर बसेपछि उद्घाटन, शिलान्यास बाँकी छ हावाले पनि चौरासी कुरेको छ पानीले पनि चौरासी कुरेको छ ।
भोलानाथ सुवेदी :
म पनि चौरासी पर्खिरहेछु
बा पनि चौरासी पर्खिरहेछन्
मेरो र बाको चौरासी फरक छ
फरकका लागि म चौरासी पर्खिरहेछु ।
कोही सत्ता पल्टाउन कुर्लिरहेछन्
कोही सत्ता जोगाउन कुर्लिरहेछन्
कोही करङ् भाँच्न चौरासी कुर्छन्
कोही भ-याङ्ग चढ्न चौरासी कुर्छन्
चौरासीसम्म कसैको आयु बढ्ने छैन
चौरासीसम्म कसैको वायु चल्ने छैन ।
न शोक हुनेछ कसैलाई
न भोक हुनेछ कसैलाई
काममा पनि कोही हुँदैनन्
बेकाम पनि कोही हुँदैनन्
यस्तो राम राज्य भएपछि
मर्नलाई पनि चौरासी चाहिएको छ
केही गर्नलाई पनि चौरासी चाहिएको छ ।
सबैको गन्तव्य एउटै भएपछि
काहिँ जानलाई पनि चौरासी चाहिएको छ
सबै हात बाँधेर बसेपछि
उद्घाटन, शिलान्यास बाँकी छ
हावाले पनि चौरासी कुरेको छ
पानीले पनि चौरासी कुरेको छ
सबै कुरा चौरासीमा हुने भएपछि
उज्यालो पनि चौरासीमै हुन्छ
अँध्यारो पनि चौरासीमै हुन्छ
चौरासीसम्म हात बाँधेपछि
न तिमी हुन्छौ न चौरासी हुन्छ ।
०००
काठमाडौं
(९८४३०५४१६१)
Subscribe
Login
0 Comments
Oldest
