नेपाली हास्यव्यङ्ग्य अनलाइन पत्रिका

लक्ष्मण नेवटिया :

व्यङ्ग्य चौका-१

क्रिकेट र जिन्दगी दुवै
उस्तै उस्तै खेल्छ,
जसलाई नजिक ठान्छौ
झन् स्टम्प उसैले उखेल्छ ।

व्यङ्ग्य चौका-२

जिन्दगी हो क्रिकेट
मौका पाउँदा पनि
चुक्छ जो लाउन चौका
कुल्चिन्छ सपना-धोखै धोखा ।

व्यङ्ग्य चौका-३

समस्या माथि ठिक ठाउँमा
गरी विचार – गर्दा दृढ प्रहार
निश्चित पाइन्छ सफलता
बाल बाउण्ड्री पार-जयजयकार ।

व्यङ्ग्य चौका-४

क्रिकेटमा पहिले
मोल लिए हुन्थ्यो जेल ।
अहिले जसको लाग्यो मोल
झन् उसले खेल्छ खेल ।

०००
विराटनगर