नेपाली हास्यव्यङ्ग्य अनलाइन पत्रिका

अन्जु शर्मा :

नेता बनी सुनाम देशमा
सोच्छौ अनपढ हुन जनता भनी
खेल्न त्यो राजनीति खेल सजिलो
भए अनपढ जनता सधैँ ।

हलL गतिलो नभए कसरी ?
जोत्छन के गोरूले खेत !
सन्तान पढ्न पठाइ विदेश नेताले
खोल्छन् के राम्रा कलेज यता ?

बन्छन् अदालत धेरै देशमा,
पाउन जनताले न्याय भनी
खै कहाँ पाउँछन् न्याय भन त ?
लाउँछन् वकिल झगडा आफै भने ?

जोगाउँछन् जागिर सधैँ यिनले,
खल्तीमै राखी नाम र दाम
लगाइ चुक्ली बिगारी घर त्यो
गर्छन् वकालत अदालतमा ।

डाक्टर देशका सेवाका ठूला
निस्वार्थ गर्छन् तिनले सेवा
खानै नपाइ परिवारसँग मिलेर
खोल्छन् रे क्लिनिक ठूला ।

ओठ, मुख सुकाई रुलाई तन त्यो
जोड्छन् बिरामी हात
खुशी बनाई अन्तर्नाद डाक्टर भन्छन्
सधैँ यस्तै हुन जनता अब ।

बलत्कार, चोरी अपराध कम गर्न
रक्षक बन्छन पुलिस दिनमा
देखाउँछन् ईमानदारी तिनले
मिल्छन फुकाली फूली रातमा

अपराधै नभए कहिले देशमा,
कामै के ती पुलिस जनको ?
त्यसैले सोच्छन बढून् अपराधी,
थप्नलाई सजिलो अर्को फूली ।

बन्न चाहँदैनन् कोही शिक्षक यहाँ,
पाइन्न सजिलो घुस खान भनी
मास्टर, टमाटर, डाक्टर एकै हुन्,
पाइन्छ इज्जत कहाँ भनी ?

नपढे मन्त्री बनिन्छ यो देशमा
घुँडा धसेर पढेँ सचिव रे
अनपढ मन्त्री धम्क्याउँछन् सचिवलाई,
बर्खास्त गर्छु अहिले भनी ।

०००
रातोपुल, काठमाडाैं ।