गाेपेन्द्रप्रसाद रिजालबिराली र सत्ता
बिराली बस्छ सत्ता उफ्रन्छ जोखिन मान्दैन सत्ता तौलिन जान्दैन सत्ता आफू हात्ती भएको भानमा हुन्छ तर, दिनानुदिन सत्ता रुवा झैँ हल्का हुन्छ र पनि ऊ सत्ताका लागि सत्ता हो ।
गोपेन्द्रप्रसाद रिजाल :
बिराली किरो
पानीमा तैरन्छ
आलि खोल्छ
प्वाल पार्छ
पानी चुहाउँछ
खेत सुख्खा पार्छ
किसान रुवाउँछ ।
सत्ता हिरो
देशमा तैरन्छ
ढुकुटी खोज्छ
प्वाल पार्छ
देश नै सुख्खा पार्छ
जनता रुवाउँछ ।
बिराली र सत्ता
तराजुमा राख्दा
बिराली बस्छ
सत्ता उफ्रन्छ
जोखिन मान्दैन सत्ता
तौलिन जान्दैन सत्ता
आफू हात्ती भएको भानमा हुन्छ
तर, दिनानुदिन सत्ता
रुवा झैँ हल्का हुन्छ
र पनि ऊ
सत्ताका लागि सत्ता हो
माली गाईको खुवा हो
भुइँ मान्छेका लागि सत्ता
सिमलको भुवा हो ।
०००
मैतीदेवी, काठमाडौं
