नेपाली हास्यव्यङ्ग्य अनलाइन पत्रिका

बद्रीप्रसाद दाहाल :

निम्ता मान अबेर – बेर नगरी, ढुट्टो बनाउ मन ।
हेलीकप्टर जेट मोटर चढी, रित्याइद्यौ जो धन ॥
घुम्छौ मोज गरेर भोज भकुरी, बोकी नयाँ उर्वशी ।
थप्द्यौ वैभव राश झन् अझ यहाँ, आफन्त साली सखी ॥१॥

ठ्याक्कै शङ्कर बुद्धझैँ, बन तिमी छर्दै महा भाषण ।
झुक्क्याउ जनता जनार्दन भनी, जोगाउँदै आसन ॥
भ्रष्टाचार अचार टन्न हसुरी, कोशै बनोस् घाइते ।
राते वा कथुरे भनेर सपना, बाड्नु सधैँ काइते ॥२॥

चीफैगेस्ट बनेर, न्वारन- बिहे- बर्तून सप्ताहको ।
भान्सा चर्पी र ट्याङ्की काव्य रमिता खोल्छौ तिमी नै मियो ॥
साली श्याल दलाल अर्वपतिका, राँगो र साँढे बनी ।
बाङ्गै पुच्छर भो विरक्त सब छन् मन्त्री बने तापनि ॥३॥

०००
धादिङ